Mae "perchnogaeth gymunedol" yn derm a all fod ag ystyron a goblygiadau amrywiol yn dibynnu ar y cyd-destun. Ar y cyfan, mae'n cyfeirio at asedau, adnoddau neu sefydliadau a berchnogir ac a reolir gan gymuned neu grŵp o unigolion sydd â buddiant neu ddiddordeb a rennir yn yr asedau hynny.

Yn y cyd-destun hwn, Perchnogaeth Gymunedol yw: Pan fydd unigolion yn penderfynu gweithio gyda'i gilydd o ddewis i ddatblygu prosiectau ynni adnewyddadwy, lle gwneir penderfyniadau'n ddemocrataidd, lle y rhennir y berchnogaeth, gyda’r cyfan er mwyn cyflawni eu cyd-nodau ar gyfer ynni gwyrdd glanach, gwarchod yr amgylchedd a budd i'r gymuned leol.

Mae yna enghreifftiau lawer o gynlluniau ynni adnewyddadwy dan berchnogaeth y gymuned ledled y DU. Yn aml, mae’r rhain ar ffurf Cymdeithas Budd Cymunedol, Cwmni Cydweithredol neu Fuddiant Cymunedol. Dyma rai enghreifftiau o fuddion cymunedol sy'n aml yn rhan ganolog o'r sefydliadau hyn: cyllid grant ar gyfer prosiectau cymunedol lleol, trydan rhatach i drigolion lleol, mynediad at wybodaeth a gwaith gosod effeithlonrwydd ynni. Mae pob cynllun yn wahanol ond maen nhw i gyd wedi'u cynllunio gan yr aelodau sy’n pleidleisio drostyn nhw.

Yr holiadur hwn yw'r cam cyntaf wrth benderfynu sut y gallai ffermydd gwynt ar y môr dan berchnogaeth gymunedol edrych yn y dyfodol.